VERLOS VAN DIE YDELHEID VAN TYD

 "Forever young, I want to be forever young."  Marian Gold

"Tomorrow, and tomorrow, and tomorrow

Creeps in this petty pace from day to day

To the last syllable of recorded time.

And all our yesterdays have lighted fools

The way to dusty death. Out, out, brief candle.

Life’s but a walking shadow, a poor player

That struts and frets his hour upon the stage,

And then is heard no more. It is a tale

Told by an idiot, full of sound and fury,

Signifying nothing."

William Shakespeare (in Macbeth)

 

Shakespeare bring die ware aard van tyd ("the vanity of time") en die mens se belewenis daarvan na vore hier. In die roetine van elke dag is daar heeltyd die vorentoe kyk na môre wat ook maar net weer dieselfde leë en sinlose vorentoe kyk bring wanneer daardie môre aanbreek.

Intussen reflekteer ons op ons gisters wat met dwaasheid die pad verlig na 'n einde wat net die dood en ons terugkeer na stof inhou.  Gevolglik is ons dae dan soos die onophoudelike geraas en gebabbel van 'n idioot wat praat sonder sin of doel. Dít is die "dae" van die mens op aarde wanneer Christus nie in die middelpunt is nie.   Hy alleen kan ons verlos van die ydelheid van tyd om ons daagliks in te lei in die rykdom van die ewigheid in Homself.

Hy alleen vul ons dae met geloof, hoop en liefde.  Dit is so verstommend anders as die wêreld se belewenis van tyd.  Dit is egter ook moontlik vir dissipels van Jesus om visie te verloor op die heerlikheid in Christus en dan geleidelik weer te verval in die ongelowige wêreld se ydele belewenis van tyd.  As dit inderdaad jou ervaring is, vra die Vader om jou nuwe visie te gee op die enigste Een wat jou siel kan verlos van die web van ydele dae.

"Alles kom tot niks, sê die Prediker, tot niks.  Wat kry die mens vir sy geswoeg, sy geswoeg in hierdie wêreld?  Geslagte kom en geslagte gaan, maar die wêreld bly altyd dieselfde.  Die son kom op, die son gaan onder, en dan haas hy hom weer na waar hy opkom.  Die wind waai suid, draai noord, waai hierheen en daarheen en dan draai hy maar weer.  Al die riviere loop in die see in, maar die see word nooit vol nie. Die riviere hou aan om te loop na die plek toe waarheen hulle altyd geloop het.  Woorde vervaag mettertyd, en 'n mens kry nie klaar met praat nie. Die oog kyk, maar kry nie klaar met kyk nie; die oor hoor, maar kry nie klaar met hoor nie.  Wat was, sal weer wees; wat gebeur het, sal weer gebeur. Daar is niks nuuts in hierdie wêreld nie.  Kan jy van iets sê dit is nuut? Nee, dit was lankal daar, lank voor ons tyd.  Wat verby is, word vergeet, en ook wat later kom, sal vergeet word deur dié wat daarna kom.  Ek het alles wat in hierdie wêreld gebeur, bekyk: alles kom tot niks, dit is 'n gejaag na wind." Prediker 1:2-11, 14

DAARTEENOOR:

"Hom het julle lief, al het julle Hom nie gesien nie. Deur in Hom te glo, al sien julle Hom nou nie, het julle reeds deel aan die saligheid wat die einddoel van julle geloof is. En dit vervul julle met 'n onuitspreeklike en heerlike blydskap." 1 Petrus 1:8-9

"Want ons weet dat as ons aardse tentwoning afgebreek word, ons ‘n gebou het van God, ‘n huis nie met hande gemaak nie, ewig, in die hemele."  2 Korinthiërs 5:1

" My tye is in u hand..."  Psalms 31:16

"Omdat ons gehoor het van julle geloof in Christus Jesus en julle liefde tot al die heiliges, vanweë die hoop wat vir julle weggelê is in die hemele, waarvan julle vroeër gehoor het deur die woord van die waarheid van die evangelie."  Kolossense 1:4-5

DIE EVANGELIE WAT MENSE VERANDER...REGTIG

Glo jy aan 'n evangelie wat mense verander of net aan 'n evangelie wat mense vergewe vir hulle onveranderlike kondisie?  Miskien is jou antwoord: "die evangelie wat my man, vrou, kind of buurman kan verander moet nog ontdek word"!  Of as jy jouself bietjie beter ken..."wat mý werklik en deurgrondelik kan verander".

Miskien is jy reg.  Miskien is daardie evangelie nog nie ten volle ontdek in ons tyd nie.  Hmmm...  Die goeie nuus is egter dat daardie evangelie steeds nêrens anders gevind kan word as in die blaaie van die Nuwe Testament nie.  Ons hoef nie iewers anders te gaan soek nie, ons moet dalk net weer en die keer bietjie dieper gaan kyk. 

Dit is regtig hoog tyd dat ons die verskraalde evangelie wat nét fokus op vergifnis van sondes agterlaat en aanbeweeg na die volle boodskap. 

"Daarom, as iemand in Christus is, is hy ‘n nuwe skepsel; die ou dinge het verbygegaan, kyk, dit het alles nuut geword."   2 Korinthiërs 5:17

"Julle is ons brief, geskrywe in ons harte, geken en gelees deur alle mense."  2 Korinthiërs 3:2

Dit is net verstommend hoe daar duisende debatte op die internet is oor elke moontlike teologiese kwessie, maar die reuse olifant in die kamer, naamlik onveranderde lewens, kry bykans geen lugtyd nie!

"Want in Christus Jesus het nòg die besnydenis nòg die onbesnedenheid enige krag, maar ‘n nuwe skepsel. En mag daar vrede en barmhartigheid wees oor almal wat sal wandel volgens hierdie reël, en oor die Israel van God!"   Galasiërs 6:15-16

Dit is vir seker so dat daar geen mens nog ooit beduidend verander het sonder die bediening van die Heilige Gees nie, maar die Heilige Gees werk áltyd op grond van ons identifikasie met Christus voor die grondlegging van die wêreld (Efes. 1:4) en die afgehandelde werk van Jesus in tyd (Rom. 5:12-21).

"Hy sal My verheerlik, omdat Hy dit sal neem uit wat aan My behoort, en aan julle verkondig."  Johannes 16:14

Kom ons staan gou stil by die drie bedieningslyne waarlangs die Heilige Gees volgens die Nuwe Testament altyd beweeg wanneer Hy  verandering bring. 

 

VOLMAAK:  Jesus is volmaak en Sy verlossingswerk was volmaak en dit is vir ewig afgehandel.  Niks kan daar bygevoeg word nie.  Ons kan geen ander plek begin nie.  Die Heilige Gees wil altyd eers ons aandag afkry van ons onvolmaakte kondisie en ons ten volle laat fokus op die volmaakte Jesus en sy volmaakte werk.  Jesus se volmaaktheid help óns egter niks as ons nie ten volle met Hom geïdentifiseer is nie, maar die evangelie verkondig juis dat ons ís!

"En in verbondenheid met Hom deel julle in sy volheid...."  Kolossense 2:10 (NAV)

'n Goeie vraag om dadelik te vra is "waar is daai volmaaktheid"?  Dit is in jou gees, waar jy verenig is met Christus (1 Kor. 6:17).  Jy is gees, siel en liggaam (1 Thes. 5:23) en al voel of beleef jy nie die volmaaktheid nie het jy nodig om te GLO wat die Bybel sê.  Die werklikheid in jou gees kan op geen ander manier deurwerk na jou siel en liggaam nie.

 

AFGESONDER:  Die tweede lyn waarlangs die Heilige Gees ons kosbaar en wonderlik bedien in hierdie proses is die waarheid van volkome afsondering.  Dit is 'n waarheid wat ons generasie amper nog swaarder aan sluk as die eerste een.  Die Heilige Gees neem eerstens ons oë van onsself af en rig dit op Christus.  Dan wys Hy vir ons dat ons nie in die volheid van die nuwe lewe en identiteit kan wandel as ons nie bereid is om te aanvaar dat ons volkome afgesonder is van beide die sekulêre en godsdienstige wêreld en selfs ons eie idees van wie óns is nie.  Kyk na die volgende tekste in hierdie lig.

"En die HERE het aan Abram gesê: Gaan jy uit jou land en uit jou familie en uit jou vader se huis, na die land wat Ek jou sal wys."  Genesis 12:1

"Nou is aan Abraham die beloftes toegesê en aan sy saad. Hy sê nie: En aan die sade, asof dit op baie sien nie, maar op een: En aan jou saad, dit is Christus." Galasiërs 3:16

"Maar toe dit God behaag het, wat my afgesonder het van die skoot van my moeder af en deur sy genade geroep het."  Galasiërs 1:15

"Want die woord van God is lewend en kragtig en skerper as enige tweesnydende swaard, en dring deur tot die SKEIDING VAN SIEL EN GEES [my beklemtoning] en van gewrigte en murg, en is ‘n beoordelaar van die oorlegginge en gedagtes van die hart."   Hebreërs 4:12

"Maar wat my betref, mag ek nooit roem nie, behalwe in die kruis van onse Here Jesus Christus, deur wie die wêreld vir my gekruisig is en ek vir die wêreld."  Galasiërs 6:14

Is jy bereid om die Heilige Gees te volg op hierdie pad.  Terloops, Hy word nie verniet die HEILIGE Gees (Gees van afsondering) genoem nie.  Hy sonder jou eers af van alles en almal en wys jou toenemend dat jou lewe IN CHRISTUS alleen gevind word en dan kan Hy eers begin om jou werklik te gebruik in jou omgewing waar Hy jou geplaas het.  Niemand kan ander effektief bedien as hy self verstrengel is in hulle gevalle werklikheid nie.

 

VERVUL MET LIEFDE:  Nou eers begin die volheid van die Goddelike liefde kragtig deur ons bruis soos strome van lewende water en word ons van dag tot dag gedring deur 'n liefde wat nie van onsself kom nie.

"Want die liefde van Christus dring ons."  2 Korinthiërs 5:14

"En die hoop beskaam nie, omdat die liefde van God in ons harte uitgestort is deur die Heilige Gees wat aan ons gegee is."  Romeine 5:5

"Hy wat in My glo, soos die Skrif sê: strome van lewende water sal uit sy binneste vloei."  Johannes 7:38

Nou eers kan ons in Bybelse gebrokenheid begin bedien.  Nog iets wat ons vandag nie veel van sien nie.

 

"En Hy het vir my gesê: My genade is vir jou genoeg, want my krag word in swakheid volbring. Baie liewer sal ek dus in my swakhede roem, sodat die krag van Christus in my kan woon." 2 Korinthiërs 12:9

"Ek was ook by julle in swakheid en in vrees en in veel bewing; en my rede en my prediking was nie in oorredende woorde van menslike wysheid nie, maar in die betoning van gees en krag." 1 Korinthiërs 2:3-4

Die populêre idees van liefde vandag is so vêr verwyder van hierdie bonatuurlike liefde soos wat ons planeet verwyder is van die verste sterrestelsel in ons heelal.  Dit is 'n onbeskryflike liefde en ons generasie het hierdie Goddelike liefde so nodig.  Dit kan egter nooit realiseer in die liggaam van Christus as ons nie eers langs die lyne van volmaaktheid en afsondering IN CHRISTUS bedien word nie.  En verder moet ons sekerlik ook erken dat die boodskap van liefde heeltemal verwronge is vandag en juis so fataal skeefgetrek is omdat dit nie binne die konteks van afsondering (heiligheid) verstaan word nie.

Miskien kan ons dan nog net vir mekaar vra: "Is jy tevrede om aan te gaan soos jy is in die hoop dat God ons growwe verwaarlosing van die volle evangelie op een of ander manier sal oorsien of is jy bereid om oor te gee aan die bediening van die Heilige Gees langs die drie lyne van hierdie kosbare evangelie wat alleen ware verandering kan bring in ons almal se lewens"?

AANMEKAARGEPLAKTE SPIEËLS

"Bitterbessie dagbreek, bitter bessie son, 'n spieël het gebreek tussen my en hom..."  Ingrid Jonker

" Soos in die water aangesig teenoor aangesig is, so is die hart van die mens teenoor die mens." Spreuke 27:19

Ware verhouding tussen mense is baie dieper as wat ons dikwels dink.  Dit is as't ware soos 'n spieël waarin ek kyk en wederkerige respek, waardering, vriendelikheid (kindness) sien.  Daar is 'n onsigbare transaksie tussen harte wat amper onmoontlik is om in woorde te verduidelik.  Hierdie wisselwerking het vir seker ten diepste te doen met die ware ontwerp en oorsprong van die mens.

"En God het die mens geskape na sy beeld; na die beeld van God het Hy hom geskape; man en vrou het Hy hulle geskape."  Genesis 1:27

Hierdie waarheid het betrekking op alle verhoudings van alle mense in alle nasies en kulture, maar na wedergeboorte word die spieël tussen ons iets meer.  Nou word die beeld as't ware beduidend verskerp in terme van ons eenheid in Christus; d.w.s. "in die aangesig van Christus" (2 Kor. 4:6). 

Dit mag dalk vir jou baie misterieus en selfs misties klink, maar ons almal weet hoe dit voel wanneer daar 'n verhoudingsbreuk is met mense naby aan ons.  Die spieël het gebreek.  Die refleksie van waardering, respek en vriendelikheid is ónderbreek.  Wat nou gemaak?

"Pas op vir julleself. En as jou broeder teen jou sondig, bestraf hom; en as hy berou kry, vergewe hom. En as hy sewe maal op ‘n dag teen jou sondig en sewe maal op ‘n dag na jou terugkom en sê: Ek het berou—moet jy hom vergewe."  Lukas 17:3-4

As jy hierdie vers lees en al wat jy sien is vergifnis, moet jy weer lees.  Let mooi op na die frases "as hy berou kry" en "terugkom en sê: ek het berou".  Dit gaan nie net oor vergifnis nie, maar ook oor versoening en herstelde verhouding.  Daardie spieël moet bonatuurlik deur God herstel word. 

As iemand (of soms albei) die spieël tussen julle gebreek het, moet daai drie moeilike woordjies ("ek is jammer": sien die NAV van vers 4) in opregtheid geuiter word voor daar werklik versoening en herstelde verhouding kan wees.  Anders is dit 'n aanmekaargeplakte spieël en die verhouding sal nooit maar nooit weer dieselfde wees nie, want die beeld is nou verwronge.  Die meeste van die tyd lei dit dan net tot geleidelike verwydering van mekaar of 'n spieël wat die volgende keer in 'n duisend stukke spat en gewoonlik herstel so 'n verhouding nooit.

Jy kan en moet die persoon voor God en in jou hart vergewe, maar versoening en herstelde verhouding vind nooit plaas sonder erkenning dat daar geloop is oor die spieël tussen ons nie.  Dit is die wese van verhouding en God self het dit so ontwerp toe Hy ons geskep het na die beeld en gelykenis van Sy Seun.

HOW BIG IS YOUR JESUS?

 The New Testament teaches very clearly that the Christian life can only be lived by Christ in the believer (Gal. 2:20).  All other approaches to Christianity are bound to fail dismally. 

If you already believe this, but it is not the consuming truth and passion of your life it might be because your view of this Jesus who lives in you is smaller than what the Bible reveals about Him.

How big is your Jesus? Is He really sufficient for all things pertaining to "life and godliness"? 

"His divine power has granted to us all things that pertain to life and godliness, through the knowledge of him who called us to his own glory and excellence."  (2 Pet. 1:3) 

When the Bible says you are "complete in Him" (Col. 2:10) it wants to turn your attention to HIS COMPLETENESS and SUFFICIENCY so that you would never again fall for a "Jesus plus" message, no matter how it is presented to you.

"For in him the whole fullness of deity dwells bodily." Colossians 2:9 

"Not that we are sufficient of ourselves to think of anything as being from ourselves, but our sufficiency is from God..." (2 Cor. 3:5)

Jesus is sufficient for creation (Col. 1:16-17),

Salvation (Heb. 10:10-12),

Sanctification (Eph. 5:26-27),

Glorification (Rom. 8:30).

There is no blemish, stain, spot of sin, defilement, lying, deception, corruption, error, or imperfection in Him (1 Pet. 1:18-20).

He is the only begotten Son (John 1:14,18); 

All the treasures of wisdom and knowledge are in Him (Col. 2:3); 

He is heir of all things (Heb. 1:2);

He created all things and all things were made by Him, through Him, and for Him (Col. 1:16); 

He upholds all things by the word of His power (Col. 1:17;  Heb. 1:3); 

He is the firstborn of all creation (Col. 1:15); 

He is the exact representation of God (Heb. 1:3).

He is the only Mediator between God and man (1 Tim. 2:5);  He is the Sun of righteousness that rises with healing in his wings (Mal. 4:2); the Physician that heals;  the Wall of Fire that defends;  the Friend that comforts;  the Pearl that enriches;  the Ark that supports;  and the Rock to sustain under the heaviest of pressures; 

He is seated at the right hand of the throne of the Majesty on high (Heb. 1:3;  8:1);  

He is better than the angels (Heb. 1:4-14); better than Moses; better than Aaron; better than Joshua; better than all the prophets; incomparably greater than Satan (Luke 4:1 - 12); and stronger than death (1Cor. 15:55).

He has no beginning and no end (Rev. 1:17-18); 

He is the spotless Lamb of God; 

He is our Peace (Eph. 2:14); He is our Hope (1Tim. 1:1);

He is our Life (Col 3:4); 

He is the living and true Way (John 14:6); 

He is the Strength of Israel (1 Sam 15:29); 

He is the Root and Offspring of David, the Bright and Morning Star (Rev. 22:16); 

He is Faithful and True (Rev. 19:11); 

He is the Author and Finisher of our faith (Heb. 12:1-2); 

He is the Captain of our Salvation (Heb. 2:10); 

He is the Champion;  He is the Elect One (Isa. 42:1); 

He is the Apostle and High-Priest of our confession (Heb. 3:1); 

He is the Righteous Servant (Isa. 53:11).

He is the Lord of Hosts, the Redeemer - the Holy One of Israel, the God of the whole earth (Isa. 54:5);

He is the Man of Sorrows (Isa. 53:3); 

He is the light; He is the Son of Man (Matt. 20:28); 

He is the Vine (John 15:5); He is the Bread of life;  He is the Door; 

He is Lord (Phil. 2:10-13); 

He is Prophet, Priest and King (Heb. 1:1-3); 

He is our Sabbath rest (Heb. 4:9); 

He is our Wisdom (1 Cor. 1:30); He is our Righteousness (Jer. 23:6; 1 Cor. 1:30);  He is our Sanctification (1 Cor. 1:30); and He is our Redemption (1 Cor. 1:30).  He was the last Adam (1 Cor. 15:45) who took up the bitter cup of our fallenness (Matt. 26:39) and victoriously finished the work of redemption on the cross (John 19:30).   The death He died included us all (2 Cor. 5:14) and thus the record of our debt that stood against us with its legal demands was nailed to the cross with Him (Col. 2:14).   He rose from the grave, destroying the power of death and brought life and immortality to light through the gospel (2 Timothy 1:10).

He is the Wonderful Counselor, the Mighty God, the Everlasting Father, the Prince of Peace (Isa. 9:6); 

He is the Chief Shepherd (1 Pet. 5:4);  He is Lord God of hosts;  He is Lord of the nations;  He is the Lion of Judah;  the Living Word;  the Rock of Salvation;  the Eternal Spirit;  He is the Ancient of Days;  Creator and Comforter;  Messiah;  and He is the great I AM (John 8:58)! 

So this is the Jesus who lives in you.  Are you still waiting for something else to happen or searching for some prophet or preacher who will be able to give you more than what you have already received in Christ?  Are you still seeking a more complete theology or waiting for an eschatological kingdom that will reveal more than what has already been revealed in Christ? 

God has spoken fully and finally in His Son.

"Long ago, at many times and in many ways, God spoke to our fathers by the prophets,    but in these last days he has spoken to us by his Son, whom he appointed the heir of all things, through whom also he created the world.  He is the radiance of the glory of God and the exact imprint of his nature, and he upholds the universe by the word of his power. After making purification for sins, he sat down at the right hand of the Majesty on high." Hebrews 1:1-3 

The kingdom is already here because the King has appeared and He reigns from heaven.  Yes, certainly we do not yet see all things subjected to Him and we wait for the full manifestation of that which is already an established fact.  But we see Jesus (Heb. 2:8-9)!  And we see Him in the here and now "crowned with glory and honour"!  Do you see Him like this?

"Putting everything in subjection under his feet. Now in putting everything in subjection to him, he left nothing outside his control.  At present, we do not yet see everything in subjection to him.  But we see him who for a little while was made lower than the angels, namely Jesus, crowned with glory and honor because of the suffering of death, so that by the grace of God he might taste death for everyone." Hebrews 2:8-9 

Is there any situation or difficulty that cannot be faced with peace, joy and hope if you know the sufficiency of Him who lives in you? 

No my friend, our salvation is complete, because our Jesus is complete. And yet this confronts every individual with the crucial question:  "How big is your Jesus"?

DIE FLAGRANTE LEUEN VAN INDIVIDUELE BLOEDLYNVLOEKE

Daar is nie een enkele stelling in die hele Nuwe Testament wat die  leer van individuele bloedlynvloeke ondersteun nie. Inteendeel, die Nuwe Testament verkondig helder en duidelik dat die vloek van die universele Adamiese gevallenheid universeel opgehef word IN CHRISTUS.

"Daarom, as iemand in Christus is, is hy ‘n nuwe skepsel; die ou dinge het verbygegaan, kyk, dit het alles nuut geword."  2 Korinthiërs 5:17

Hierdie stelling van Paulus is of waar of dit is nie waar nie.  Moenie probeer (of waag) om dit te relativiseer nie.  Dit is 'n absolute, kategoriese en onaanvegbare feit.

Daarom gee Paulus ook vir Timotheüs instruksies om sogenaamde "leraars" te beveel om hulle nie besig te hou met die vrugtelose oefening om vloek óf seën te probeer vind in geslagsregisters (individuele bloedlyne) nie.

"Soos ek jou versoek het toe ek na Macedónië op reis was, moet jy in Éfese wag om sekere persone te beveel dat hulle geen ander leer moet leer nie, en hulle nie besig hou met fabels en eindelose geslagsregisters nie, wat net twisvrae bevorder meer as stigting van God wat in die geloof is."  1 Timotheüs 1:3-4

Alle mense deel aan die universeel vervloekte bloedlyn van die gevalle Adam deur natuurlike geboorte en al die data wat valse of verwarde leraars wil voorhou van sogenaamde bevrydings van bloedlynvloeke moet noodwendig eksklusief binne die bestek van hierdie Bybelse stelling verklaar word, of anders is dit misleidend en potensieël destruktief.  Dit dompel jou in 'n maalkolk van verwysingslose subjektiwiteit.

Daarom, soos deur een mens die sonde in die wêreld ingekom het en deur die sonde die dood, en so die dood tot alle mense deurgedring het, omdat almal gesondig het.  Romeine 5:12

Genadiglik het alle mense egter ook die voorreg om te deel aan die geseënde bloedlyn van die laaste Adam (Christus) deur die "gawe van geregtigheid" te ontvang deur geloof.

Want as ten gevolge van die misdaad van die één die dood geheers het deur die één, veel meer sal hulle wat die oorvloed van die genade en van die gawe van die geregtigheid ontvang, in die lewe heers deur die Één, Jesus Christus.  Romeine 5:17

"So is daar ook geskrywe: Die eerste mens, Adam, het ‘n lewende siel geword; die laaste Adam ‘n lewendmakende Gees." 1 Korinthiërs 15:45

"Nou is aan Abraham die beloftes toegesê en aan sy saad. Hy sê nie: En aan die sade, asof dit op baie sien nie, maar op een: En aan jou saad, dit is Christus." Galasiërs 3:16

Ons het nodig om universeel te dink, nie in die eerste plek individueel nie.  Lees Romeine 5 verse 12 tot 21 en vra jouself af of daar nog enige gronde is vir hierdie subjektiewe, individualistiese soort leringe.  God hanteer die hele mensdom m.b.t.  slegs twee mense, die eerste en die laaste Adam. 

Daar is nie een enkele opdrag in die hele Nuwe Testament wat navorsing oor ons bloedlyne regverdig nie.  Inteendeel, die Nuwe Testament eis met 'n dringende appél dat ons die herkoms van ons Here Jesus Christus navors en ons identiteit dáár vind.

"Sonder vader, sonder moeder, sonder geslagsregister, sonder begin van dae of lewenseinde, maar gelykgestel aan die Seun van God, bly hy priester altyddeur."  Hebreërs 7:3

"Ek is met Christus gekruisig, en ék leef nie meer nie, maar Christus leef in my. En wat ek nou in die vlees lewe, leef ek deur die geloof in die Seun van God wat my liefgehad het en Homself vir my oorgegee het." Galasiërs 2:20

" As julle dan saam met Christus opgewek is, soek die dinge daarbo waar Christus is en aan die regterhand van God sit. Bedink die dinge wat daarbo is, nie wat op die aarde is nie. Want julle het gesterwe, en julle lewe is saam met Christus verborge in God." Kolossense 3:1-3

Hoe 'n mens ookal mag voel oor die stryd wat mense het om volle verlossing en bevryding te beleef (en ek het baie simpatie en empatie daarmee); die feit bly staan dat as jy jou eie geskiedenis (en die van jou familie) meer gewig laat dra as die geskiedenis (universeel historiese feite) van die Nuwe Testament is jy besig om die dood en opstanding van Jesus Christus te minag.  D.w.s. jy ag dit nie genoegsaam nie.

Ek verstaan werklik dat dit waarskynlik pynlik is vir sommige mense om te hoor, maar watter mate van verlossing of bevryding jy ookal beleef het, herlei dit na die evangelie, nie na een of ander subjektiewe bevryding van bloedlynvloeke nie.  Sodoende bewaar jy die integriteit van die universele meriete van Jesus se dood en opstanding en staan jy vas en vir ewig gegrondves in die eeue-oue Goeie Nuus wat miljoene mense regdeur die geskiedenis bevry het van elke moontlike soort binding wat Adamiese gevallenheid tot gevolg gehad het. 

As jy bloedlyne wil navors gaan al die pad terug tot by oer-oupagrootjie Adam...maar moenie daar stop nie.  Dink nog verder terug (binne die Bybelse kader) tot in die ewige verlede en jy sal vind dat jou identiteit 'n ander oorsprong het;  in die hart van 'n hemelse Vader.

"Soos Hy ons in Hom uitverkies het voor die grondlegging van die wêreld om heilig en sonder gebrek voor Hom in liefde te wees."  Efesiërs 1:4

"Om hierdie rede buig ek my knieë voor die Vader van onse Here Jesus Christus, van wie elke geslag in die hemele en op die aarde sy naam ontvang." Efesiërs 3:14-15

WAT BETEKEN DIT OM BYWONERS EN VREEMDELINGE OP AARDE TE WEES?

"Geliefdes, ek vermaan julle as bywoners en vreemdelinge om julle te onthou van vleeslike begeertes wat stryd voer teen die siel." 1 Petrus 2:11

Wedergeboorte beteken letterlik "van bo gebore". Namate ons, ons in die Hemelse Boek verdiep, moet hierdie wêreld vir ons in 'n sin al hoe vreemder word en die hemel al hoe meer bekend. Vir die meeste gelowiges van vandag lyk die hemel vreemd en die wêreld...o so bekend.  God is daar vêr en die natuurlike dinge so naby en eie aan menswees.  Dit is 'n tragedie as 'n dissipel van Jesus so voel.

As Jesus werklik ons ​​beste vriend is, ons oudste broer en die een wat ons die naaste aan die hart lê, moet ons die vervreemding in hierdie gevalle wêreld voel, net soos Hy dit gedurende Sy tyd op aarde beleef het.

"En Hy sê vir hulle: Julle is van benede, Ek is van bo; julle is uit hierdie wêreld, Ek is nie uit hierdie wêreld nie." Johannes 8:23

As wedergeborenes is ons ook nie meer "uit hierdie wêreld" nie.  Dit beteken egter nie dat ek soos 'n askeet moet leef wat nie die vele goeie gawes van die natuurlike skepping kan waardeer as gawes uit God se hand nie.  Dit beteken wel dat ek soos wat ek groei in heiliging toenemend sensitief raak vir die ware aard van die bose, gevalle wêreld en terselfdertyd 'n groeiende familiariteit t.o.v. die onsigbare geestelike werklikheid ontwikkel.

"Want ons wat nog in die tent is, sug en voel beswaard, omdat ons liewer nie ontklee nie, maar oorklee wil word, sodat die sterflike deur die lewe verslind kan word. Maar Hy wat ons juis hiervoor toeberei het, is God, wat ons ook die Gees as onderpand gegee het."  2 Korinthiërs 5:4-5

"Want vir my is die lewe Christus en die sterwe wins." Filippense 1:21

NEHEMIA 'N MAN VAN TRANE

 "En hulle het vir my gesê: Die oorgeblewenes wat vrygekom het uit die gevangenskap daar in die provinsie, verkeer in groot ellende en in smaad, en die muur van Jerusalem lê stukkend en sy poorte is met vuur verbrand. En toe ek hierdie woorde hoor, het ek gesit en ween, en ek het dae lank getreur; en ek het gevas en gebid voor die aangesig van die God van die hemel." Nehemia 1:3-4

Is daar mure in gesinne, gemeentes (en dalk hele nasies) wat omgeval het en net so bly lê het?  God soek net een man of vrou van trane wat in gebrokenheid voor God kan wees sodat Christus kan verrys aan die binnekant van daardie mens en deur hom of haar herstel kan bring.  As dit nie gebeur nie hou die vyand net aan om te "steel, slag en verwoes" (Joh.10:10).  Waar is die Nehemias?

"Want al is Hy gekruisig uit swakheid, lewe Hy tog uit die krag van God. Want ons is ook swak in Hom, maar ons sal saam met Hom vir julle lewe deur die krag van God." 2 Korinthiërs 13:4

"En koop die tyd uit, omdat die dae boos is."  Efesërs 5:16

DIE GOUE KALF IN ONS MIDDE

"Maar julle, laat jul nie Rabbi noem nie, want een is julle leermeester: Christus, en julle is almal broeders."  Mattheus 23: 8

"Gaan dan heen, maak dissipels van al die nasies, en doop hulle in die Naam van die Vader en die Seun en die Heilige Gees; en leer hulle om alles te onderhou wat Ek julle beveel het."  Mattheus 28:19

Leiers is nie die middelpunt van die kerk nie, Christus is, en leiers is bedoel om hierdie werklikheid met ywer en toewyding te fasiliteer. Leiers is veronderstel om Christus op te hef deur 'n konsekwente verkondiging van die evangelie en 'n gefokusde toerusting van die heiliges met betrekking tot Hom.

Toe Jesus na hierdie aarde gekom het, het Hy alles verander, ook die manier waarop die mensdom na leierskap kyk.  Die vernuwing van ons denke (Rom. 12: 2) is veronderstel om die manier waarop ons na leierskap kyk, in te sluit. Leiers moet as 't ware die evangelie voor hulle uitstuur, sodat Jesus gesien kan word, terwyl hulle in Sy skaduwee bly as dienaars van die dissipels en die gemeente (1 Kor. 4: 1).  

Die Nuwe Testament beklemtoon op velerlei maniere dat leiers bedoel is om 'in die skadu van Jesus' te lei. Die oomblik as 'n leier of leiers uit daardie skaduwee tree, beweeg hulle voor Jesus in en druk Hom terug in húlle skaduwee. Dit is 'n skreiende skande, maar dit is so algemeen dat dit beskou kan word as die goue kalf van die populêre idee van gemeentelewe vandag.

Dink vir 'n oomblik oor die volgende baie belangrike feit wat min aandag in die kerkgeskiedenis gekry het. In elke geval wat Paulus 'n brief aan 'n gemeente geskryf het, het hy dit aan die hele kerk gerig en nie aan 'n leier of leiers nie. Een en twee Timoteus en Titus is aan apostoliese medewerkers geskryf, nie aan gemeentes nie.  

Dit is nog opvallender as ons in ag neem dat feitlik elkeen van daardie gemeentes tydens die skrywes van Paulus krisisse beleef het en dat hy steeds nie sy briewe aan die ouderlinge gerig het nie.  In sy brief aan die Filippense, begin hy deur te sê 'aan al die heiliges in Christus Jesus wat in Filippi is, saam met die opsieners en diakens'. Let daarop dat hy nie gesê het EN die opsieners en diakens nie, maar die heiliges SAAM MET die opsieners en diakens. Dit is 'n baie belangrike punt om op te let, want dit dui aan dat 'n plaaslike gemeente bestaan ​​uit een groep, heiliges...en onder hulle ouderlinge en diakens; nie uit drie groepe (of klasse) nie.

Jesus het in Mattheus 23 vers 8 gesê 'Een is julle Leermeester, en julle is almal broers'.  Ja, daar is leraars en leiers in die kerk, maar hulle moet dien as medebroers wat onderrig en lei in die skadu van Jesus, die ware Leermeester en Leier.

Verder is ouderlinge slegs herders onder Jesus se Heerskappy.  Hy alleen is die 'Opperherder' (1 Pet. 5: 2-4). Die herders in 'n plaaslike gemeente durf hulself nooit as 'bo die skape' beskou nie. Hulle is self skape in die kudde van die Goeie Herder (Joh. 10:11, 16).  Hulle is net skape wat ander skape lei deur hulle te alle tye aan die Opperherder te verbind en nie aan hulleself nie.

KEER TERUG!

 Hoekom word ons keer op keer opgeroep in die Nuwe Testament om weg te kyk van onsself en te fokus op Christus?  Hoekom word ons opgeroep om die boodskap aangaande Hom absolute voorrang in ons harte, denke en lewens te gee?

"Laat die woord van Christus ryklik in julle woon in alle wysheid. Leer en vermaan mekaar met psalms en lofsange en geestelike liedere, en sing in julle hart met dankbaarheid tot eer van die Here."  Kolossense 3:16

Die rede hiervoor word op 'n duisend verskillende maniere aan ons oorgedra in die Bybel, maar die konsep is enkelvoudig.  Slegs IN HOM is daar heerskappy oor gevallenheid en slegs IN HOM is daar guns van die Vader; die Heerser van die heelal.  Die guns rus op die Seun en ons het slegs deel daaraan deur geloof.

"Hy sal groot wees en die Seun van die Allerhoogste genoem word; en die Here God sal aan Hom die troon van sy vader Dawid gee, en Hy sal koning wees oor die huis van Jakob tot in ewigheid, en aan sy koninkryk sal daar geen einde wees nie."  Lukas 1:32-33

"En die Kindjie het gegroei en sterk geword in die Gees en vol van wysheid. En die genade van God was op Hom."  Lukas 2:40

"Vir ons is 'n Seun gebore, aan ons is 'n Seun gegee; Hy sal heers, en Hy sal genoem word: Wonderbare Raadsman, Magtige God, Ewige Vader, Vredevors. Sy heerskappy sal uitbrei, en Hy sal vir altyd vrede en voorspoed bring. Hy sal op die troon van Dawid sit en oor sy koninkryk regeer. Hy sal dié koninkryk vestig en in stand hou deur reg en geregtigheid, van nou af en vir altyd. Daarvoor sal die onverdeelde trou van die Here die Almagtige sorg." Jesaja 9:5-6 (NAV)

Wanneer gaan ons ophou om kwaliteite in onsself en sodoende die guns van die Vader te soek as dit slegs IN CHRISTUS te vinde is?  Die Nuwe Testament is besonders subjektief, maar die subjek is Christus, nie in die eerste plek ons nie!  Alles wat ons nodig het is in Hom en vloei uit Hom na ons wanneer ons, ons vertroue totaal verplaas weg van onsself na Hom.  Dit is die boodskap van identifikasie en eenheid met Christus.

IN HOM, IN HOM, IN HOM, ek wens ek kan dit 'n miljoen keer uitbasuin met 'n megafoon, want die invalshoek van Christenskap vandag het iets heeltemal anders geword en daar is géén groter tragedie nie.  Die enigste sinvolle respons is: bekering!

LOOP JY OOR OF SIT JY VAS?

Met al die beskikbare bronne en *toegang tot meer leraars en Bybelkennis as ooit vantevore in die geskiedenis is dit steeds waar dat die meeste dissipels van Jesus vandag vassit in tydelike dilemmas in plaas van om oor te loop van 'n tydlose koninkryksboodskap.

Dit is onmoontlik om die Nuwe Testament onbevange te lees en nie by die gevolgtrekking uit te kom nie dat Jesus van al Sy dissipels verwag het om oor te loop van Sy lewe en liefde.

"Hy wat in My glo, soos die Skrif sê: strome van lewende water sal uit sy binneste vloei." Johannes 7:38 

"Want vir ons is dit onmoontlik om nie te spreek oor wat ons gesien en gehoor het nie." Handelinge 4:20 

Ons verantwoordelikheid is egter om onsself so bloot te stel aan die lieflike en heerlike boodskap van die evangelie dat ons meer as genoeg sal hê om ook die mense rondom ons te bedien en te bemoedig.

"Laat die woord van Christus ryklik in julle woon in alle wysheid. Leer en vermaan mekaar met psalms en lofsange en geestelike liedere, en sing in julle hart met dankbaarheid tot eer van die Here." Kolossense 3:16 

"Moenie dronk word van wyn nie—daarin is losbandigheid; maar word met die Gees vervul." Efesiërs 5:18 

Is die patroon van jou lewe oorvloed in Christus of het jy so vasgeval in die tydelike dat jy net probeer om geestelik genoeg vir jouself te verkry om te oorleef? 

Jy hoef nie so te leef nie.  Verander jou perspektief, tel jou Bybel met geloof op en begin drink van die lewende waters tot oorlopens toe. Dit ís sonder enige twyfel God se uitgesproke wil vir elke dissipel van Jesus.

* Ook ongelukkig toegang tot meer vals leringe as ooit vantevore.

PERMANENTE INWONING

Asof dit nie genoeg is dat God ons uit genade deur die kruisdood en opstanding van Jesus vergewe en verlos het nie, word 'n dissipel van Jesus soos wat hy geestelik groei toenemend bewus van die heerlikheid van God se permanente inwoning.

"Want die HERE het Sion uitgekies, Hy het dit as woonplek vir Hom begeer en gesê:  Dit is my rusplek vir ewig; hier wil Ek woon, want Ek het dit begeer." Psalms 132:13-14 

Wat 'n verstommende openbaring dat God sê Hy het die mens gekies as Sy "ewige rusplek"!  Vir ons as gelowiges is dit nou reeds 'n werklikheid waarin ons, ons daagliks kan verheug.

"Maar julle het gekom by die berg Sion en die stad van die lewende God, die hemelse Jerusalem en tien duisende engele." Hebreërs 12:22 

God woon nie in tempels wat met hande gemaak is nie.  Die "tent van samekoms", die "tabernakel" en die "tempels" van die Ou Verbond was almal uitbeeldings van God se oorspronklike plan en begeerte om in ons te woon!  God permanent in en by Sy mense; onbeskryflik heerlik!

"Die God wat die wêreld gemaak het en alles wat daarin is, Hy wat Here van hemel en aarde is, woon nie in tempels met hande gemaak nie."  Handelinge 17:24 

"Weet julle nie dat julle ‘n tempel van God is en die Gees van God in julle woon nie?" 1 Korinthiërs 3:16 

"God het besluit om aan hulle bekend te maak hoe seënryk en heerlik hierdie geheimenis vir die nasies is. Die inhoud daarvan is: Christus is in julle, Hy is julle hoop op die heerlikheid." Kolossense 1:27  (NAV)

CHRISTUS AAN MY, IN MY EN DEUR MY GEOPENBAAR

In 'n sin kan 'n mens die hele Nuwe Testament opsom aan die hand van die titel van hierdie dagstukkie.  Vir seker gaan die Nuwe Testament oor die aanbreek van die lank verwagte en geprofeteerde koninkryk met die verskyning van die Koning (Mt. 3:2, 14:17), maar hierdie koninkryk word verder uitgebrei deur die Koning se dissipels (Mt. 28:19 en Hand. 1:8).  Daarom is dit so belangrik vir ons om baie mooi te verstaan hoe presies die koninkryk vorder van die dag af dat die Heilige Gees uitgestort is ongeveer twee duisend jaar gelede.

Christus aan my geopenbaar:  Die Heilige Gees openbaar eerstens aan ons die volmaakte verlossingswerk van Jesus en die voorrang (pre-eminensie) wat Hy geniet in God se plan met skepping en herskepping (Kol. 1:15-20).  Ons kan sê hierdie is 'n objektiewe openbaring van wie Jesus is; die onbeskryflike heerlikheid van Sy Persoon en die dringende oproep tot 'n innerlike en totaal eksklusiewe waardering van Hom.

Christus in my geopenbaar: Die openbaring van Christus wat ons hier na verwys is meer as net die leerstellige waarheid dat Hy leef in elke ware dissipel (Rom. 8:9-11).  Die openbaring wat ons hier van praat, is hoogs subjektief en het te doen met die "vorming van Christus" in ons (Gal. 4:19).  Hy is die Môrester wat opgaan ons harte (2 Pet. 1:19) sodat ons proefondervindelik saam met Paulus kan getuig dat Hy lewend en kragtig werk in ons harte (Gal. 2:20; Fil. 1:21).  Christus word egter nooit in ons openbaar voordat ons nie as't ware oorrompel word en intensief begin fokus op Sy pre-eminensie en volmaak afgehandelde verlossingswerk nie; d.w.s. Christus aan ons geopenbaar. 

Christus deur my geopenbaar: Die noodwendige gevolg van Christus in my geopenbaar, is Christus deur my geopenbaar.   Die openbaring van Christus deur ons is niks anders nie as die natuur van Jesus self wat gemanifesteer word in spontane verkondiging van die evangelie (Jn. 7:38) en in bonatuurlike liefde (Gal. 5:22) wat maak dat die wêreld kan hoor en sien dat Hy inderdaad die Here is.

Al drie hierdie openbarings is bedoel om gelyktydig te funksioneer in die lewe van 'n dissipel.  Die Heilige Gees wil toenemend vir ons wys hoe onbeskryflik en onvergelykbaar hierdie Jesus is wat in ons woon en hoe volmaak Sy verlossing is.  Hy wil toenemend die lewe en natuur van Jesus in ons openbaar sodat ons organies en subjektief in ons sielsdimensie verander kan word om gelykvormig te word aan die beeld van Christus (2 Kor. 3:18). 

Maar Hy wil ook Jesus individueel én korporatief deur ons openbaar sodat mense kan getuig dat daar 'n liefde in en deur ons werksaam is wat ver verhewe is bo enige menslike idees van liefde (Jn. 13:35 en 1 Kor. 13).

OM MET WYSHEID LIEF TE HÊ

 'n Mens sou dink dat 'n oorvloed van liefde in my hart genoegsaam is vir 'n ryk en geseënde lewe, maar omdat ons leef in 'n gevalle wêreld kan liefde nie suksesvol voortleef sonder wysheid nie. 

Sonder Goddelike wysheid kan ons beste pogings om ander lief te hê soms jammerlik misluk.  Dit bring baie keer  hartseer vir die gewer en ontvanger en veroorsaak ook dikwels dat mense terugtrek van 'n lewe van liefde en dit is presies wat die satan wil hê.

Wysheid bepaal waar, wanneer en hoe ek die liefde van Christus betoon aan ander en dit verg voortdurende innerlike leiding deur die Gees van wysheid en liefde in ons.  Liefde en wysheid is maats in die Bybel en waar jy die een sien, is die ander ook teenwoordig.  Maak seker dat hierdie twee ook maats bly in jou hart.  Bid baie spesifiek daarvoor.  Dit is die soort gebed wat ons Vader behaag.

"En dit bid ek dat julle liefde nog meer en meer oorvloedig mag word in kennis en alle ervaring,  om die dinge waar dit op aankom, te onderskei, sodat julle rein en vir niemand ‘n aanstoot mag wees nie, tot op die dag van Christus." Filippense 1:9-10 

"Ook bid ek dat julle liefde al hoe meer sal toeneem in begrip en fyn aanvoeling,  sodat julle die dinge sal kan onderskei waarop dit werklik aankom. Dan sal julle op die dag wanneer Christus kom, onberispelik en sonder blaam wees." Filippense 1:9-10  (NAV)

IGNOREER EN KONSENTREER

 Niemand kan vorentoe beweeg saam met Jesus en gevolglik geestelik groei as hulle nie iewers langs die pad leer om die wêreld te ignoreer aan die een kant en op Jesus alleen te konsentreer aan die ander kant nie.

In elkeen  van die volgende tekste is die frase "om ag te gee" 'n vertaling van dieselfde Griekse woord.  Hierdie woord dra die idee van intense konsentrasie; om jou onverdeelde aandag net op een enkele saak te fokus.

"Daarom moet ons des te meer ag gee op wat ons gehoor het, dat ons nie miskien wegdrywe nie." Hebreërs 2:1 

"En ons het die profetiese woord wat baie vas is, waarop julle tog moet ag gee soos op ‘n lamp wat in ‘n donker plek skyn, totdat die dag aanbreek en die môrester opgaan in julle harte." 2 Petrus 1:19 

"En die skare het eendragtig ag gegee op die woorde van Filippus toe hulle dit hoor en die tekens sien wat hy doen." Handelinge 8:6 

Dit is egter ook waar dat ek nie onverdeeld op een ding kan fokus as ek nie eers al die ander dinge wat my aandag opeis, ignoreer nie.  As daar tien mense in 'n vertrek almal saam my aandag probeer kry, moet ek besluit wie die persoon is wat die meeste verdien om gehoor te word en dan word dit onvermydelik dat ek die ander as't ware sal moet uitdoof ("mute").

In hierdie geval praat ons natuurlik van Jesus en Hy het dit baie duidelik gemaak dat die satan se groot strategie is om ons te "distract" sodat ons nie ag kan slaan op die Outeur van die lewe en Sy woorde van lewe nie.  Daarom lees ons oor en oor in die Nuwe Testament, "laat hom wat ore het hoor"!

Die tyd loop uit en ons generasie bly die mees "distracted" generasie in die geskiedenis met ons oorlading van informasie via die moderne media.  Gaan ons leer om die wêreld (1 Joh. 2:15-17) te ignoreer en dan te konsentreer op die lieflike inhoud van die evangelie of gaan ons aanhou om die werklik belangrike dinge te ignoreer terwyl die wêreld ons met dodelike kleur en geur tot in die afgrond in bly vermaak?

DIE EENVOUD VAN 'N LEWE VAN LIEFDE SELFS IN 'N WÊRELDWYE KRISIS

 Die wêreld leef en werk in en vir eie-belang en so 'n lewe word altyd 'n komplekse spel waarin ek probeer om alles en almal om my te manipuleer sodat ek die maksimum voordeel vir myself kan bekom.

Daarteenoor is die lewe in die koninkryk van God 'n lewe van eenvoud, omdat daar 'n enkelvoudige liefdesmotief is wat alles bepaal.  

"Laat alles by julle in liefde geskied." 1 Korinthiërs 16:14 

"Let all that you do be done in love." 1 Corinthians 16:14  (ESV)

Boonop het ons 'n onuitputlike Bron (Christus) in ons vir hierdie doel waarvoor ons geskape is. 

"Maar die doel van die gebod is liefde uit ‘n rein hart en ‘n goeie gewete en ‘n ongeveinsde geloof."  1 Timotheüs  1:5 

"As julle in gehoorsaamheid aan die waarheid julle siele deur die Gees tot ongeveinsde broederliefde gereinig het, moet julle mekaar vurig liefhê uit ‘n rein hart." 1 Petrus 1:22 

Ons is nie net vir liefde gebore (wederbaar) nie, ons is ook uit liefde gebore.

"Geliefdes, laat ons mekaar liefhê; want die liefde is uit God, en elkeen wat liefhet, is uit God gebore en ken God.  Hy wat nie liefhet nie, het God nie geken nie, want God is liefde." 1 Johannes 4:7-8 

Wanneer jou lewe as 'n dissipel genadiglik gereduseer is tot hierdie eenvoud kan nie eers 'n wêreldwye gesondheids-en-ekonomiese krisis jou ekwilibrium versteur nie.  Die Bron van Liefde in my word nie bedreig deur enigiets wat op aarde gebeur nie en Hy het gesê dat as ek Sy koninkryk van liefde eerste stel, sal Hy verantwoordelikheid neem vir die "ander dinge" (Mt. 6:33).

Vir die wat hulle steeds bevind in die komplekse spel van nimmereindigende en onversadigbare self-bevoordeling is dit inderdaad 'n wêreldwye krisis, maar dissipels van Jesus leef uit en vir 'n ander koninkryk. Hulle "huis" is op 'n rots gebou (Mt. 7:24-25).

'n Krisis vanuit God se perspektief is wanneer ons ophou om uit en vir die liefde te leef.  Miskien bevind jy jou in besonderse moeilike omstandighede in die tydelike en ek wil dit nie ligtelik afmaak nie.  As jy egter die eenvoud van die liefde bly bewaar in jou hart is daar geen krisis op aarde wat jou werklik kan bedreig nie.  Selfs om te sterf word dan "wins".

"Want om te lewe, is vir my Christus, en om te sterwe, is vir my wins." Filippense 1:21 

‘N NUWE BEGIN

 Vir die persoon wat wegdraai van ‘n onafhanklike en ‘n self-gerigte lewe en sy volle vertroue in Christus plaas, is daar nie net vergifnis nie, maar ‘n nuwe lewe; ‘n totaal nuwe begin.

“In Hom het ons die verlossing deur sy bloed, die vergifnis van die misdade na die rykdom van sy genade” Efesiërs 1:7 

“Daarom, as iemand in Christus is, is hy ‘n nuwe skepsel; die ou dinge het verbygegaan, kyk, dit het alles nuut geword.” 2 Korinthiërs 5:17 

 In Christus het ons volkome kwytskelding van die straf en skuld van sonde ontvang.  Dit op sigself is verstommende goeie nuus, maar  in Hom het ons ook meer as net vergifnis ontvang.  Ons het ‘n nuwe lewe ontvang deur die wedergeboorte. 

Die grootste uitdaging van ons nuwe lewe in Christus is om te leer om die verlede agter te laat, insluitende ons ou manier van dink!  God verwag van ons om as "nuwe mense" te dink oor ons lewe, identiteit en bestemming.  Ons moet leer om in geloof die veroudering van die gevalle skepping af te skud en ons te beklee met die nuutheid en die voortdurende vernuwing wat eie is aan die nuwe skepping in Christus. 

Voel jy of jy ‘n nuwe begin nodig het?  Dit is reeds ‘n werklikheid “in Christus”.  Glo dit net.

“Daarom gee ons nie moed op nie, maar al vergaan ons uiterlike mens ook, nogtans word die innerlike mens dag ná dag vernuwe.” 2 Korinthiërs 4:16 

"Nie op grond van die werke van geregtigheid wat ons gedoen het nie, maar na sy barmhartigheid het Hy ons gered deur die bad van die wedergeboorte en die vernuwing deur die Heilige Gees." Titus 3:5 

NET JOU POSISIE IN GENADE KAN JOU BRING BY DIE KONDISIE VAN GENADE

Ons kan 'n kondisie van genade ("a state of grace") beskryf as 'n konstante innerlike vloei van die lewe en liefde van Christus wat my eie ywer as 'n dissipel as't ware oortref en keer op keer verbysteek soos wat ek God se kragtige werking binne-in my ervaar (Fil. 2:13).   Dit kan ook beskryf word as 'n innerlike heerskappy wat 'n bepaalde uiterlike effek en manifestasie het.

"Want as ten gevolge van die misdaad van die één die dood geheers het deur die één, veel meer sal hulle wat die oorvloed van die genade en van die gawe van die geregtigheid ontvang, in die lewe heers deur die Één, Jesus Christus." Romeine 5:17 

Slegs hierdie kondisie van genade bring die onbeskryflike verruiming van hart en onkeerbare, bo-menslike liefdesinisiatiewe wat ons in die blaaie van die Nuwe Testament sien.

Die vraag is egter hoe kan ons uitkom by hierdie kondisie van genade?  Die antwoord wat die Nuwe Testament gee op hierdie vraag is werklik verstommend.  Dit is slegs deur ons geloofsgreep op ons posisie van genade in Christus wat ons ooit sal uitkom by hierdie kondisie.

"Tot lof van die heerlikheid van sy genade waarmee Hy ons begenadig het in die Geliefde." Efesiërs 1:6 

"Deur wie ons ook deur die geloof die toegang verkry het tot hierdie genade waarin ons staan; en ons roem in die hoop op die heerlikheid van God." Romeine 5:2 

Ons is "begenadig in die Geliefde" en ons het 'n stand in genade, maar ons het nodig om ons tot so 'n mate te verlustig in hierdie posisie van genade in die teenwoordigheid van God (dit is die geloofslewe) dat die kondisie van genade 'n onvermydelike werklikheid kan word.  Dit is ongetwyfeld God se wil vir elkeen wat reeds "staan in genade", m.a.w. alle dissipels van Jesus.

So waarom sien ons nie vandag meer van die kondisie van genade en die lieflike vrug wat dit bring nie?  Miskien omdat ons in ons eie krag en ywer probeer om dit te bewerkstellig wat slegs kan realiseer vanuit 'n posisie wat ons reeds as 'n geskenk ontvang het.

"Hy wat julle dan die Gees verleen en kragte onder julle werk, doen Hy dit uit die werke van die wet of uit die prediking van die geloof?" Galasiërs 3:5 

RADIKALE VERWERPING VAN DIE OUE EN OMHELSING VAN DIE NUWE

Die enigste manier wat ons sin kan maak van die radikale dissipelskapterme in die vier evangelies is wanneer ons dit sien in die lig van die absolute en finale onderskeid tussen ons ou en nuwe identiteit.

"As iemand na My toe kom en hy haat nie sy vader en moeder en vrou en kinders en broers en susters, ja, selfs ook sy eie lewe nie, kan hy my dissipel nie wees nie." Lukas 14:26 

"En Hy sê vir almal: As iemand agter My aan wil kom, moet hy homself verloën en sy kruis elke dag opneem en My volg." Lukas9:23 

"Want elkeen wat sy lewe wil red, sal dit verloor; maar elkeen wat sy lewe om My ontwil verloor, sal dit vind." Mattheüs 16:25 

Ons sien aan die begin van die evangelies en ook in die boek Handelinge dat die evangelie van die koninryk aangekondig word as verstommende goeie nuus en dat daar 'n onmiddellike oproep is om ons te bekeer (weg te draai van die ou identiteit in onsself) en te glo (die nuwe identiteit in Christus te omhels).

Voordat jy nie met bonatuurlike insig begin sien wat hierdie nuwe identiteit en nuwe lewe in Christus werklik behels nie, sal die radikale karakter van die oproep om die ou identiteit en die hele ou skepping vaarwel toe te roep altyd vir jou iets vaag, vreemd en selfs verbysterend wees.

"Daarom, as iemand in Christus is, is hy ‘n nuwe skepsel; die ou dinge het verbygegaan, kyk, dit het alles nuut geword." 2 Korinthiërs 5:17 

Histories het die kruisdood van Jesus Christus absolute skeiding tussen die ou en nuwe skepping gebring.  Vanuit God se perspektief was dit finaal en onomkeerbaar.  Die vraag is egter of ek en jy al die finaliteit van die kruis as 'n werklikheid omhels het. 

Dit beteken prakties dat ons hele hartsfokus en waardestelsel van die aardse na die hemelse skuif (Kol. 3:1-4) en dat ons voortaan leef as "bywoners en vreemdelinge" op die aarde (1 Pet. 2:11).  Maar "vreemdelinge" wat voortdurend ander mense oproep om ook die oorgang te maak van die oue na die nuwe.

WAT IS DIE GOEIE NUUS REGTIG?

"...kyk, ek bring julle ‘n goeie tyding van groot blydskap..." Lukas 2:10

Die meeste dissipels dink gewoonlik dat hulle nie nodig het om meer oor die evangelie (die goeie nuus) te hoor nie, want dit verstaan hulle mos.  Hulle behoefte is eerder lering oor hoe om te leef in 'n gevalle wêreld, beter gesinslewe, beter huwelik, kinderopvoeding, beter beroepslewe, beter gemeentelewe, lering oor leierskap, algemene kennis van die Bybel, die eindtye, ensovoorts. 

Ek lê vandag aan jou voor dat die Nuwe Testament nooit, maar nooit, die kennis van die goeie nuus as iets vanselfsprekend aanvaar nie.  Die goeie nuus is ook nie net die boodskap wat slegs ongelowiges nodig het om te hoor nie, dit is die primêre daaglikse behoefte van alle dissipels van Jesus.  Ons is opgeneem in die huis van die Vader, maar ons weeskindharte het genade nodig!  En nie net 'n bietjie nie, sommer baie.  Ook nie net af en toe nie, die heeltyd. 

"En nou, broeders, dra ek julle op aan God en aan die woord van sy genade, wat magtig is om julle op te bou en julle ‘n erfdeel te gee onder al die geheiligdes." Handelinge 20:32 

"Moenie rondgeslinger word deur allerhande en vreemde leringe nie; want dit is goed dat die hart versterk word deur genade, nie deur voedsel nie, waarvan die wat daarin gewandel het, geen voordeel gehad het nie." Hebreërs 13:9 

Maar wat presies is die goeie nuus?  Die goeie nuus is nie hoe verlore ek is nie.  Die goeie nuus is nie dat ek my moet bekeer nie.  Die goeie nuus is nie dat ek moet glo nie.  Die goeie nuus is nie eers instruksies oor hoe ek 'n heilige lewe moet leef nie.  Al hierdie dinge is relevant, maar slegs in verhouding tot die goeie nuus en op die regte tyd en plek.

Die goeie nuus is verder nie dat ek altyd gesond gaan wees en altyd finansiële voorspoed gaan beleef en dat daar nooit weer probleme gaan wees in my lewe nie.  Die goeie nuus is ook nie dat ek net positief moet bly en altyd positiewe dinge moet spreek nie.

Die goeie nuus is gesetel in wie Jesus is en wat Hý suksesvol gedoen het.  Die goeie nuus is die volledige identifikasie (almal ingesluit) van elke mens met die kruis en opstanding van Jesus Christus.  Die kruis was 'n sukses!  Die goeie nuus het te doen met iets wat klaar gedoen is.  Dit is afgehandel; nie in 'n proses nie, volmaak en afgerond.  Daarom was daar 'n opstanding!

Die goeie nuus is dit wat nog altyd in die hart van die Vader geleef het oor mense.  Dit gaan oor die inisiatief wat Hý geneem het om Sy Seun te stuur vir ons verlossing en bevryding en die uitstorting van die Heilige Gees om hierdie goeie nuus te kom verseël in die harte van mense.  Die goeie nuus is nie in die eerste plek ons reaksie nie, maar die Vader se aksie in Sy Seun.

Preek ons die goeie nuus?  Watter persentasie van die inhoud van boodskappe wat ons die heeltyd hoor vandag is goeie nuus?  Raak ons opgewonde oor die inisiatief van die Vader en die sukses van die kruis of is ons so mensgerig dat ons baie meer klem lê op die mens se reaksie as die Vader se evangelie-aksie?  Antwoord hierdie vraag vir jouself en maak dit baie prakties: "Is my hart daagliks blootgestel aan die goeie nuus en is dit my primêre geestelike dieët?"

Soms gaan soek ons die probleem op so baie ander plekke terwyl ons nog nooit werklik lank genoeg stilgestaan het by die goeie nuus sodat dit 'n lewenstransformerende impak op ons harte kan hê nie!

"...Hierdie boodskap is soos 'n lamp wat in 'n donker plek skyn. Julle sal goed doen as julle in sy lig bly totdat die dag aanbreek en die môrester opkom in julle harte."  2 Petrus 1:19 

ONTDEK DIE FONTEIN BINNE-IN JOU!

Iewers in die kerk se geskiedenis het ons die spontane kommunikasie van die Woord van Christus verloor.  Hierdie opwindende "praat" en "deel" en "verkondig" van die evangelie was bedoel om te vloei uit die hart van elke dissipel van Jesus.

"Hy wat in My glo, soos die Skrif sê: strome van lewende water sal uit sy binneste vloei." Johannes 7:38 

Ongelukkig is dit juis hierdie element wat die hartklop van gemeentelewe (en evangelisasie) is volgens die Nuwe Testament.

"Maar Saulus het die gemeente verwoes en in die huise gegaan en manne en vroue uitgesleep en in die gevangenis oorgelewer.  En die wat verstrooi was, het die land deurgegaan en die woord van die evangelie verkondig." Handelinge 8:3-4 

"Laat die woord van Christus ryklik in julle woon in alle wysheid. Leer en vermaan mekaar met psalms en lofsange en geestelike liedere, en sing in julle hart met dankbaarheid tot eer van die Here." Kolossense 3:16 

In Handelinge 4 verse 19 en 20 sien ons 'n verstommende antwoord van Petrus en Johannes aan die owerstes van Israel nadat hulle beveel word om nie meer te "spreek in die naam van Jesus" nie:

"Toe antwoord Petrus en Johannes en sê vir hulle: Of dit reg is voor God om julle meer gehoorsaam te wees as God, moet julle self beslis;  want vir ons is dit onmoontlik om nie te spreek oor wat ons gesien en gehoor het nie." Handelinge 4:19-20 

"Vir ons is dit onmoontlik om nie te spreek nie"!  Verstommend. 

Tensy ons hierdie essensiële element van gemeentelewe herontdek en herwin, gaan die meeste van ons pogings en projekte geen langdurige vrug dra nie.  Tensy ons weer die onuitputlike fontein van lewe binne-in ons ontdek, sal al ons omgang met die Woord net iets ekstern bly wat nooit werklik dieper as die verstand gaan nie.

Wat het ons vandag met hierdie kosbare Woord gedoen:

• ·         ons het dit die amper eksklusiewe domein gemaak van professionele mense; pastore en predikers
• ·         ons het dit verskraal tot die domein van die verstand; m.a.w. slegs vir instruksie, Bybelstudies, verdediging van leerstellings, ens.
• ·         ons het dit beperk tot gebruik in ons persoonlike stiltetye en familie oordenkings net vir sekere tye van die dag of week
• ·         vir baie van ons het dit net waarde vir 'n halfuur op 'n Sondagoggend

Ja, vir seker bevat die Bybel teologie en is dit ook bedoel om vals leringe te weerlê.  Vir seker kan ons dit bestudeer en gebruik in Bybelskole en dissipelskapkursusse, maar die Bybel is ook baie meer as dit.  Die Bybel is die Woord van God en is bedoel vir die hart! Dit is bedoel om geniet en gedeel te word soos 'n heerlike ete. 

Die Bybel is die openbaring van Christus en dit wil ons innerlike mens ontsluit.   Dit wil ons lewend maak tot so 'n mate dat ons dit spontaan begin deel met mekaar, nie net omdat ons moet of omdat dit die Christelike ding is om te doen nie, maar omdat ons 'n ononderbroke innerlike opwelling beleef wat dit bykans onmoontlik maak om stil te bly.